Dünya futbolu
Ture 9 oyundan sonra qovuldu
Kolo Turenin baş məşqçi kimi debütü uğursuz alındı. Onun yeni işində fəaliyyəti heç iki ay çəkmədi.
Futbolinfo.az xəbər verir ki, İngiltərə Çempionşipində mübarizə aparan “Viqan”, ötən il noyabrın 29-da baş məşqçi təyin etdiyi Dil Dişi Sahili millisinin saaiq oyunçusu Kolo Həbib Tureni dünən postundan kənarlaşdırdı. Gənc mütəxəssislə 2026-cı ilin yayına kimi müqavilə bağlansa da, nəticələr o qədər pis oldu ki, anlaşmanı birtərəfli pozmaq lazım gəldi.
Bu müddətdə “Viqan”ı 9 oyuna çıxaran Ture qələbə üzü görmədi. 3 heç-heçə, 6 məğlubiyyətdən sonra rəhbərliyin səbr kasası daşdı.
Xatırladaq ki, Ture bunadək ölkəsinin millisində və “Lester”də köməkçi-məşqçi kimi çalışmışdı.