Milli komanda
Vaqif Sadıqov: “De Byazidən pley-offa vəsiqə qazanmaq tələb edilib”
2 dekabr 2021-ci il. AFFA-nın vitse-prezidenti, AFFA məşqçilər Şurasının sədri, AFFA İcraiyyə Komitəsinin üzvü Vaqif Sadıqovun ölkə mətbuatına müsahibəsindən sitat: “Canni de Byazi ilə bağlı qərarın verilməsi üçün çox gərgin müzakirələr getdi. Nəticədə ona Millətlər Liqasında 6 matçda komandaya baş məşqçilik etmək şansı verildi. Çünki de Byazi son Millətlər Liqasında və DÇ-2022-nin seçmə mərhələsində yığmaya rəhbərlik edib, futbolçuları yaxşı tanıyır. Ondan güclü, mübariz komanda yaratmaq, 2022-ci ildəki Millətlər Liqasında ən yüksək yerlər uğurunda mübarizə aparmaq, pley-offa vəsiqə qazanmaq tələb edilib”.
Sadıqov de Byazi ilə müqavilə müddətinin sonuncu dəfə uzadılmasının səbəbini açıqlayarkən belə demişdi. Millimiz Millətlər Liqasında pley-offa vəsiqə qazanmalıydı! Bacarmadı!
Bu açıqlamanın ilinin çıxmasına az qalıb, vəzifə yerinə yetirilməyib. İndi Sadıqovdan və oxşar açıqlamalar verən İcraiyyə Komitəsinin digər üzvlərindən növbəti reaksiyaları gözləyirik. Zəhmət olmasa, Vaqif bəy AFFA-nın vitse-prezidenti, AFFA məşqçilər Şurasının sədri, AFFA İcraiyyə Komitəsinin üzvü kimi vəzifə yerinə yetirilmədikdə hansı addımın atılmasının lazım olduğunu izah etsin.
AFFA var olanı bir-birini təkzib edən açıqlamaları ilə dövran sürən, həmişə uğursuz olan və həmişə vəzifə başında qalan Vaqif bəy, top sizdədi, onu rəqib qapıdan keçirirsiz, yoxsa avtoqol müəllifi olursuz?
AĞA
- Ölkə futbolu2024-02-08 08:00
Limit oyunu: “Sumqayıt” – “Neftçi” matçının dəhşətli statistikası
- Milli komanda2024-02-08 21:39
Millətlər Liqası: Azərbaycan yığmasının rəqibləri bəlli oldu
- Milli komanda2024-02-09 11:01
“Azərbaycanla bağlı pis xatirələrimiz var”
- Ölkə futbolu2024-02-09 08:00
2023-də yatıb qalmış “Səbail”, Musayevsiz “dirilən” “Sabah”