Bizi izləyin

Layihə

DÜNƏNDƏN SABAHA: Sumqayıt futbolu əvvəlki əzəmətini qaytarmaq istəyir

Sumqayıt futbol şəhəridi. Eyniadlı klubun oyunlarında dolu tribunaları görmək nəticə çıxarmaq üçün kifayət edir. Bu şəhərin insanları futbolla nəfəs alır, nəticələrinə baxmayaraq, daim sevimli təmsilçilərini izləyir, dəstəkləyir.

 

Azərbaycan futboluna onlarla istedad bəxş edən şəhər ötən əsrin sonunda xüsusilə seçilirdi. Hətta SSRİ-nin müxtəlif gənclər yığmalarına Arif Əsədov kimi qitə və dünya çempionu göndərən Sumqayıtda uşaq futboluna diqqət ən yüksək səviyyədə idi. Nəticədə ölkənin demək olar, bütün komandalarında bu şəhərin təmsilçisi gözə dəyir, medallar uğrunda mübarizə aparanların zərbə qüvvəsini sumqayıtlılar təşkil edirdi. Milli komandalarımızda da eyni vəziyyət idi.

 

Son 10-15 ildə vəziyyət dəyişdi. “Polad”, “Xəzər”, “Vosxod”, “Kimyaçı”, “Gənclərbirliyi” kimi tarixi klublar unuduldu, “Sumqayıt” adlı yeni klub AFFA tərəfindən yaradıldı, maliyyələşdirildi. Təsisçi-himayədarlar qısa müddətdə bu komandanı şəhər sakinləri üçün ögey uşağa çevirə bildi. Almaniya türkləri, dağıstanlılar, iranlılar və daha neçə-neçə fərqli fərqli məkanlardan gətirilən əcnəbilər milliləşdirildi, “sumqayıtlı” kimi təqdim olundu. Nəticədə yerli gənclər diqqətdən kənarda qaldı, yerlərini legionerlər tutdu, şəhər futbolu süniləşdi.

 

“Sumqayıt” indi də bunun əziyyətini çəkir. Vaxtilə yeninəsil yetişdirilmədiyindən, başı milliləşdirməyə qarışanlar uşaq futboluna barmaqarası yanaşdığından klub yerli oyunçular baxımından ciddi əziyyət çəkir. Yalnız indi anlayıblar ki, yerli kadrlara diqqət göstərilməsə, davamlı inkişaf mümkün deyil və müəyyən addımlar atmağa başlayıblar.

 

2010-2011 futbol mövsümündən Premyer Liqada çıxış edən “Sumqayıt” yarandığı gündən uşaq futboluna diqqət ayırmağa çalışıb. Bəzən səriştəsizlik, fərqli maraqlar hədəfə kilidlənməyə “mane olub”. Lakin insaf naminə, obyektiv səbəblər də var. Belə ki, ilk illərdə dağıdılmış infrastrukturun fəsadları ciddi işlər görməyə mane olub. Xüsusilə meydança problemi olduğundan uşaq futbolunda böyük inkişafdan söhbət belə gedə bilməzdi.

 

Əsas və əvəzedici komanda o qədər də yaxşı vəziyyətdə olmayan Mehdi Hüseynzadə adına Sumqayıt şəhər stadionunda hazırlaşıb oyunlara çıxdığı halda, akademiyanın yaşaması, uşaq qruplarının məşq etməsi üçün demək olar, heç bir şəraiti yox idi. Rəhbərliyin başı milliləşənlərə pul xərcləməyə qarışdığından ən azı kiçik meydanlar salmaq, hansısa ərazini icarəyə götürüb müəyyən şərait yaratmaq yada düşmürdü. Məhz həmin illərdə “Sumqayıt” Futbol Akademiyası sözün həqiqi mənasında çətin günlər keçirirdi.

 

Lakin 2013-cü ilin sentyabrında SOCAR tərəfindən Sumqayıtda yeni idman qurğusu tikilərək klubun ixtiyarına verildi. Məhz həmin vaxtdan bütün yaş qrupları bir meydançada növbələşib hazırlaşmağa başladı. 2017-ci ildə isə “Sumqayıt” FK üçün daha müasir infrastruktur inşa edildi. Belə ki, “Kapital Bank Arena”nın ərazisində oyun keçirilən əsas təbii örtüklü meydançadan başqa məşq üçün bütün standartlara cavab verən 1 təbii, 1 süni örtüklü və 2 kiçik süni örtüklü meydança inşa edilərək klubun ixtiyarına verildi.

 

Elə bunun nəticəsidi ki, artıq milli komandalarımızda sumqayıtlı gənclərin sayı artmağa başlayıb, Xəyal Nəcəfovun timsalında bu şəhərin yetirmələri aparıcı klublara transfer edilir. 10 ildən çox müddət boşa verilməsəydi, cavabdeh şəxslər zamanında işinə peşəkar yanaşsaydı, indi say daha çox olardı, “Sumqayıt” da iranlıların ümidinə qalmazdı.

 

2019-cu ildə “Sumqayıt” Futbol Akademiyası yeni mərhələyə qədəm qoydu. Almaniyada çalışmış türkiyəli mütəxəssis Hakan Sünal akademiyanın koordinatoru təyin edildi. Burada məsələ rəhbərin əcnəbi olması deyil, yeni koordinator özüylə yeni sistem gətirdi və hazırda onun tətbiqiylə məşğuldu. Çatışmazlıqlar olsa da, irəliyə doğru ciddi addımlar atıldığını deyə bilərik. Belə ki, artıq akademiya vahid proqram üzərində çalışır, əvvəlki kimi hər məşqçi istədiyi kimi məşq keçmir, hər kəs eyni sistemlə fəaliyyət göstərir.

 

2019/20 mövsümündən etibarən “Sumqayıt” Futbol Akademiyasında bir sıra yeniliklər edilib. İlk öncə məşqlərin keyfiyyətinin yüksəldilməsi məqsədi ilə məşqçilərin sayı artırılıb. Ümumilikdə akademiyada çalışan məşqçilərin, inzibati heyətin sayı 20-dən 36-ya yüksəldilib, həmçinin komanda və futbolçu sayı da artıb. Buna əlavə, Avropa təcrübəsinə uyğun olaraq, akademiyaya fitnes məşqçisi gətirilib. Hazırda akademiyanın ixtiyarında olan bir standart ölçülü süni örtüklü meydança, iki mini meydança və bir ədəd “texnika kortu” adlandırdığımız meydança mövcuddur.

 

“Sumqayıt” Futbol Akademiyasında son vaxtlar görülmüş işlərin qisa xülasəsi:

* “Sumqayıt”ın akademiyasında ümumi komanda sayı 9-dan 15-ə qaldırılıb.

* Ötən illərdə akademiyada 160 uşaq var idisə, yeni sistemə əsasən futbolçu sayı 250-yə çatdırılıb.

* “Sumqayıt”ın akademiyasında məşqçi və inzibati heyətin sayı 20-dən 36-ya yüksəldilib.

* Akademiyaya atletika və fitnes məşqçisi dəvət edilib.

* Klubun futbol məktəbi yaradılıb, ora 4 yaşından 9 yaşına qədər futbolçular qatılır.

* Ümumilikdə “Sumqayıt” Futbol Akademiyası 3 qrup əsasında fəaliyyət göstərir: “Təməl qrup”, “Orta qrup”, “Performans qrup”.

* Məşqçilərlə mütəmadi olaraq həftə ərzində 2 dəfə olmaqla iclaslar, dərslər keçirilir.

* Akademiya olaraq, Sumqayıtda fəaliyyət göstərən futbol məktəbləri ilə iş birliyi aparılır.

* Akademiyada elit-məşqlər, fitness məşqləri də keçirilir.

 

“Sumqayıt” 2019-cu ildə uşaq futbolunun inkişafı yolunda daha bir yeniliklə yadda qalıb. Belə ki, klubun futzal məktəbi rəsmən fəaliyyətə başlayıb. Futzalda hər komandada 5 nəfər olur və oyunçunun topla təması böyük futboldakından daha çox olur. Futzalda texnika üzərində də daha çox çalışmaq lazımdır ki, rahat driblinq edib, rəqiblərini geridə qoyasan. Futzalda yetişən uşaqların bir neçə il sonra texniki keyfiyyətlərinin daha yüksək olacağı gözləniləndi. Akademiyanın bəzi uşaqları məhz texnikanın artırılması məqsədi ilə bəzən xüsusi proqramlar çərçivəsində futzal məşqlərinə də yönləndirilir.

 

2020-ci ildə “Sumqayıt” Futbol Akademiyası daha bir layihəyə start verib. Belə ki, akademiyanın nəzdində 4-8 yaş arası qrupların yığımına başlanıb. Bu proses futbolçuların daha erkən yaşda topla tanış olması məqsədi güdür. İlk vaxtlarda “Futbol Məktəbi” adlanan layihəyə 10 nəfərlə start verilmişdi, hazırda isə bu qruplarda 100-ə yaxın uşaq futbolun sirlərini öyrənir.

 

Bundan başqa, “Sumqayıt” Futbol Akademiyasının məşqçiləri 2017/2018 mövsümündə Türkiyənin ən güclü akademiyaları sırasında göstərilən “Altınordu”nun düşərgəsində təcrübə də keçiblər. Belə ki, klubun 6 məşqçisi bu proqram çərçivəsində 1 həftə İzmirdə olub. Bunun davamlı olacağına ümid edirik.

 

“Sumqayıt”ın əsas komandasına baş məşqçi təyin olunduqdan sonra daim gənc futbolçuların inkişafına çalışan Ayxan Abbasov da ümumi işlərin gedişinə biganə deyil. O, cari mövsümdən etibarən akademiyadakı gənc və perspektiv vəd edən uşaqları nəzarətə götürüb. Belə ki, akademiyada diqqət mərkəzində olan 15-ə yaxın futbolçu Abbasovun nəzarəti altında əsas komanda ilə məşqlərə qatılmaqla yanaşı, fərdi məşqlərdə də iştirak edir. Belə ki, əsas komandanın fiziki hazırlıq üzrə çalışdırıcısının hazırladığı xüsusi proqram əsasında onlar həftəlik məşqlərdə iştirak etməkdədi. Abbasov ötən mövsüm ümumi olaraq akademiyanın 30-dan artıq üzvünü mütəmadi olaraq əsas komanda ilə məşqlərə qatıb, indi onların bəziləri heyət üzvüdü, hər an Premyer Liqada oynamaq üçün şans gözləyir.

 

Əsas odur, Sumqayıtda futbola münasibət dəyişib. 10 ildən çox müddət boşa verilsə də, indi ənənələri olan şəhərdə top oyununa münasibət başqadı, səhvlərdən nəticə çıxarılıb, keçmiş günlərdəki əzəmətin təkrarına, daha yaxşısına cəhd edirlər.

 

FƏRİD

Dünya futbolu2022-01-23 02:21

“Atletiko” “Valensiya”ya qalib gəldi

Dünya futbolu2022-01-23 01:56

Çempion uduzdu, “Qarabağ”ın rəqibi qalib gəldi

Dünya futbolu2022-01-23 01:42

“İnter” əzmkar qələbəyə sevindi

Dünya futbolu2022-01-23 00:57

“Borussiya”dan səfər qələbəsi

Dünya futbolu2022-01-23 00:32

MS xal itirdi, MY qalib gəldi

Ölkə kuboku2022-01-23 00:11

Azərbaycan Kuboku: 1/4 finalın oyun cədvəli bəlli oldu

Milli komanda2022-01-22 23:51

Azərbaycan – Gürcüstan matçında 5 qol – VİDEO

Dünya futbolu2022-01-22 23:44

“Beşiktaş”la “Fənərbaxça” xal itirdi

Milli komanda2022-01-22 22:06

“Müharibə davam edir” – Millimizin üzvü

Milli komanda2022-01-22 20:52

“Məğlubiyyətə etdiyimiz səhvlər səbəb oldu” – Joze Alesio

Milli komanda2022-01-22 19:16

Azərbaycan millisi Avropa çempionatına məğlubiyyətlə başladı

Ölkə futbolu2022-01-22 18:49

“Sumqayıt” “Şkupi”yə məğlub oldu

Müsahibə2022-01-22 18:27

“Medallar uğrunda mübarizə aparmaq istəyirik” – Slavik Alxasov

Dünya futbolu2022-01-22 18:16

“Barselona”nın sabiq üzvü karyerasını bitirdi

Ölkə futbolu2022-01-22 17:53

“Qarabağ”ın 1 gündə keçirdiyi 2 yoxlama matçı – VİDEO

Dünya futbolu2022-01-22 17:35

Mbappenin qardaşı avtomobil qəzası keçirdi

Digər2022-01-22 17:15

Azərbaycanda koronavirusa yoluxanların sayı açıqlandı

Ölkə futbolu2022-01-22 16:50

“Neftçi” legioner qapıçı transfer etdi

Milli komanda2022-01-22 16:36

“Azərbaycana gəlməklə düzgün addım atdığımı düşünürəm”

Ölkə futbolu2022-01-22 16:00

Azərbaycan Premyer Liqası 60-cı oldu

Ölkə futbolu2022-01-22 15:30

“Neftçi”də növbəti ayrılıq

Dünya futbolu2022-01-22 14:59

Premyer Liqa klubunda 2 yeni müqavilə

Dünya futbolu2022-01-22 14:27

Koronavirus daha bir futbolçunun ürəyində problemə səbəb oldu

Dünya futbolu2022-01-22 13:58

“Barselona”nın futbolçusu 2 ay oynamayacaq

Dünya futbolu2022-01-22 13:21

PSJ-dən La Liqa klubuna

Milli komanda2022-01-22 13:02

Azərbaycan millisində AÇ öncəsi koronavirus şoku

Dünya futbolu2022-01-22 12:29

“Qalatasaray”da ayrılıq

Ölkə futbolu2022-01-22 12:03

“Sivasspor”un Mahir Emreli üçün təklif etdiyi məbləğ bilindi

Ölkə futbolu2022-01-22 11:45

MEDİA-nın sələfinə oxşamışlığı – bu dəfə fərqli “üslub”da

Ölkə futbolu2022-01-22 11:24

Qurban Qurbanov: “Rəqiblər bizdən daha hazırlıqlı idi”

Dünya futbolu2022-01-22 10:01

Liqa 1-də dekabrın ən yaxşı futbolçusu

Dünya futbolu2022-01-22 09:32

“Liverpul” icarədə olan futbolçunu geri çağırdı

Ölkə futbolu2022-01-22 09:00

“Qarabağ”ın rəqibi 14 milyona aldığı hücumçunu 3 milyona satdı

Dünya futbolu2022-01-22 02:17

“Norviç Siti” 3 xalı 3 qolla qazandı

Dünya futbolu2022-01-22 02:08

Lion “Olimpik”i tək qolla qalib gəldi

Dünya futbolu2022-01-22 01:56

“Espanyol” doğma meydanda darmadağına üzüldü

Dünya futbolu2022-01-22 01:46

“Verona”dan əzmkar qələbə

Dünya futbolu2022-01-22 01:33

“Ayntraxt” doğma meydanda uduzdu

Dünya futbolu2022-01-21 23:32

“Real”ın 1/4 finaldakı rəqibi bəlli oldu

Premyer-liqa2022-01-21 23:20

Premyer Liqada qış bazarlığı – YENİLƏNİR

Ölkə futbolu2022-01-21 22:14

“Sabah”ın futbolçusu Kiyevdə əməliyyat olundu

Milli komanda2022-01-21 21:19

“Onlardan qorxmuruq, ancaq hörmət edirik”

Ölkə futbolu2022-01-21 21:03

Braziliyalı hücumçu rəsmən “Neftçi”də!

Ölkə futbolu2022-01-21 20:50

“Qarabağ”dan bir gündə iki məğlubiyyət

Ölkə futbolu2022-01-21 20:27

“Neftçi”nin sonuncu rəqibi müəyyənləşdi

Ölkə futbolu2022-01-21 19:58

“Neftçi” Harramiz Soareslə yollarını ayırdı

Ölkə futbolu2022-01-21 19:38

“Səbail”in futbolçusu rəsmən Yunanıstan klubunda

Ölkə futbolu2022-01-21 19:11

“Bütün futbolçular səylə çalışırlar” – Elmar Baxşıyev

Ölkə futbolu2022-01-21 18:32

“Qəbələ” Şimali Makedoniya klubuna qalib gəldi

Ölkə futbolu2022-01-21 18:18

“Səbail”dən inamlı qələbə

Gündəm