Müsahibə
Zakpanı dəli edən epizod: “Məğlubiyyətə nifrət edirəm”
“Səbail”in portuqaliyalı hücumçusu Qoba Zakpanın futbolinfo.az saytına müsahibəsi
– Premyer Liqanın 8-ci turunda “Qəbələ” ilə oyunda heç-heçəni son anda əldən verdiniz (1:2). Xal qazanmaq üçün nə çatmadı?
– Son dəqiqələrdə qol buraxaraq xal itirmək əlbəttə ki, üzücüdür. Ancaq digər tərəfdən də normal haldır. Biz bir kollektivik. Baş məşqçimizin ən yaxşı həll yolunu tapması və müsbət dinamikanı işə salması üçün hər gün çox çalışmalıyıq.
– İkinci hissəni 10 nəfərlə keçirməyinizə baxmayaraq, qol da vurdunuz. Qırmızı vərəqə olmasaydı, “Qəbələ”dən xal alardınız?
– “Hə” deməyim bizə əlavə xal gətirməyəcək. Oyunlarımızı təhlil etməli, təvazökar olmalı və səhvlərimizdən dərs çıxarmalıyıq. Bu, irəliyə doğru yeganə yoldur.
– Qırmızı vərəqədən iki dəqiqə əvvəl topu boş qapıdan keçirə bilmədiniz. Həmin epizodu xatırlayanda hansı hissləri keçirirsiniz?
– Mən bir rəqibəm və məğlubiyyətə nifrət edirəm. Meydana çıxanda rəqibin kimliyindən asılı olmayaraq, yalnız qələbə haqda düşünürəm. Buna görə də həmin epizoda baxanda dəli oluram.
– Geridə qalan 8 turda cəmi 1 qol vurmağınız bir hücumçu üçün aşağı göstərici deyil?
– Matçların təxminən 44 faizini cinah oyunçusu kimi keçirirəm. Buna baxmayaraq, bilirəm ki, meydanda daha yaxşısını etməli və daha qətiyyətli olmalıyam. Gündəlik işlərə köklənməli, baş məşqçimlə, komanda yoldaşlarımla danışmalıyam. Onu da bilirəm ki, məndə yaxşı hücumçu olmaq üçün atletik və texniki keyfiyyətər var.
– Karyeranızın böyük hissəsi Portuqaliyada keçib. “Səbail”ə gələnə qədər Azərbaycan futbolu haqda nə düşünürdünüz, gələndən sonra nələr gördünüz?
– Düzünü desəm, Azərbaycan futbolu barədə məlumatım “Qarabağ”ın avrokuboklardakı, bir az da “Neftçi”nin çıxışları ilə məhdudlaşırdı. Çox xoşbəxtəm ki, müxtəlif çempionatları mükəmməl bilən əla agentlik şirkəti olan “You First”lə təmsil olunuram. Menecerim Cibril Rekkab “Səbail”in təklifini təhlil etməyi və bunun mənim üçün yaxşı idman layihəsi olduğunu necə göstərməyi bilirdi. Yaşayış mühiti əla, infrastruktur yaxşıdır. Düzgün idman strategiyaları qəbul etməklə Azərbaycan klubları Avropa səviyyəsində rəqabətədavamlı olmaq üçün hər şeyə malikdir.
– Növbəti turdakı rəqib “Sumqayıt” olacaq. Sizə elə gəlmir ki, “Səbail” artıq qələbəyə borcludur?
– Mən hər oyuna qələbə üçün çıxıram. Komandamızda keyfiyyətli futbolçular var və biz daha yaxşı çıxış etməliyik.
FƏRİD
- Dünya futbolu2024-01-18 08:00
De Byazi “Neftçi”nin sabiq hücumçusunu “Torino”ya təklif etdi
- Premyer-liqa2024-01-17 13:17
Premyer Liqada qış bazarlığı – YENİLƏNİR
- Müsahibə2024-01-17 08:00
“Vəziyyəti xeyrimizə dəyişmək üçün hər şeyi edəcəyik”
- Ölkə futbolu2024-01-17 17:00
Şeydayevin “Kocaelispor”a keçidi rəsmiləşdi