Ölkə futbolu
İcra başçısı “Qarabağ”ı Ağdama qaytarmaq istəyir
2012/2013 mövsümünün son turlarında ev oyunların…
2012/2013 mövsümünün son turlarında ev oyunlarını Quzanlıda keçirən "Qarabağ" yenidən Ağdama qayıda bilər. Futbolinfo.az xəbər verir ki, "atlılar"ın Ağdamda oynaması ölkə rəhbərliyi səviyyəsində müzakirə olunacaq.
"Qarabağ"ın təmsil olunduğu Ağdam şəhəri 1993-cü ildə erməni qəsbkarları tərəfindən işğal olunduğundan klub məcburi olaraq ev oyunlarını respublikanın müxtəlif regionlarında keçirib, daha sonra Bakıya üz tutmuşdu. Ancaq sonradan yerli azarkeşlərin və şəhər icra hakimiyyətinin tələbi ilə komanda yenidən Ağdama qayıtmış, ev oyunlarını Quzanlı Olimpiya Kompleksində keçirmişdi. Yerli azarkeşləri bundan məmnun olsa da, klub rəhbərliyi Olimpiya Kompleksində şəraitsizliyi əsas gətirərək Quzanlıda oynamaqdan imtina etmişdi.
Ancaq bundan sonra klubun şəraitsizlik baxımından heç bir problemi olmayacaq. Belə ki, 2 ay bundan əvvəl Ağdama təyin olunmuş icra başçısı Raquf Məmmədov bir sıra abadlıq işlərinin aparılmasına götəriş verib ki, bunların arasında Quzanlı Olimpiya Kompleksi də nəzərdə tutulub. Ağdamın rəmzlərindən biri olan "Çay Evi"ni Quzanlıda inşa etdirən Məmmədov "Qarabağ"ın Ağdama qayıtmasının tərəfdarıdı. Əldə etdiyimiz məlumata görə, Məmmədov Quzanlı qəsəbəsində yerləşən kompleksin şəraitsizliyindən xəbərdar olduğu üçün öncə Milli Olimpiya Komitəsinə müraciət edib, mövcud problemi aradan qaldıracaq. Şəhər başçısı daha sonra "Qarabağ"ın Ağdama qayıtması məsələsini yüksək dairələrdə müzakirəyə daşıyacaq. Raquf Məmmədovun bu məsələdə israrlı olması dəqiqdi.
Bundan başqa 21 il sonra ölkə çempion olan komandanın üzünə həsrət qalan Ağdamda yaşayan fəal gənclər artıq bir aydır ki, ölkə rəhbərliyinə məktub ünvanlayırlar. Məmmədov da bu məsələni həll edib, "Qarabağ"ı nəyin bahasına olursa-olsun Ağdama qaytaramaqla yerli əhalini sevindirmək istəyir.
Ancaq məsələnin həllini tapmasında problem ortaya çıxa bilər. Belə ki, klubun indiki himayəçilərinin fikri də önəmlidi. Ağdam rayon reəhbərliyinin istəyi yaxşıdı, bununla belə, maraqlıdı, görəsən, icra başçısı növbəti dəfə dəyişəndən sonra “Qarabağ”a münasibət də dəyişməyəcək ki? Bu işi elə həll etmək lazımdı ki, komandanı çətin vəziyyətində himayəsinə götürüb ona illərdi yatırım qoyan indiki sponsorlar da inciməsin.
EMİN SƏFƏROV
![blank](https://futbolinfo.az/wp-content/plugins/wp-fastest-cache-premium/pro/images/blank.gif)