“Rəvan”ın baş məşqçisi Şahin Diniyev yenicə çalışdırmağa başladığı paytaxt klubunun futbolçu heyəti ilə bağlı fikirlərini açıqlayıb. Futbolinfo.az saytına müsahibəsində o, qış transfer pəncərəsində ediləcək transferlərdən də söz açıb:
“Artıq qış transfer pəncərəsinin açılmasına o qədər də çox vaxt qalmayıb. Komandada bəzi boşluqlar var. Biz qışda bu boşluqları doldurmağa çalışacağıq. Bunun üçün 3-5 transfer nəzərdə tutmuşuq. O qədər də böyük transfer etməyəcəyik. Mənim üstünlüyüm əsasən yerli futbolçulardan yana olacaq. Çünki öz həmyerlilərimizlə oynamaq, onlardan nəticə almaq daha gözəldi. Təbii ki, lazım gəldiyi təqdirdə legionerlərə də üz tutulacaq”.