Hər zaman olduğu kimi, “Qalatasaray”ın Azərbaycandakı azarkeş qrupu olan “UltrAslan” sabah keçiriləcək Azərbaycan – Rusiya qarşılaşmasında millimizə tam dəstək olacaq. Bu barədə futbolinfo.az saytına təmsilçiliyin idarə heyətinin üzvü Hüseyn Əli xəbər verib:
“UltrAslan” olaraq yığma komandaya hər zaman lazım olan dəstəyi vermişik. Sabahkı oyun da istisna deyil. Müxtəlif bəstələr, plakatlar, şüarlar hazırlamışıq. Sabah özünüz hamısını görəcəksiz. Hesabdan asılı olmayaraq, 90 dəqiqə dayanmadan komandamızı qələbəyə səsləyəcəyik. Əlbəttə ki, hüquq mühafizə orqanları bizə maneə olmasalar”.