Tovuzun "Turan-T" klubunun futbolçularının "Bakılı" ilə oyuna çıxmaqdan imtina etməsi məlumdu. İctimaiyyət bu barədə məlumatlandırılsa da, hələ ki, klub rəhbərliyi heç bir addım atmayıb.
Məsələni aydınlaşdırmaq üçün Tovuz klubunun prezidenti Namiq Məstanovla əlaqə saxladıq. Lakin klub rəhbəri açıqlama verməkdən imtina etdi. Bunu birbaşa söyləməsə də, "variant" gəlmək istədi. İlk zəngimizdə "İcra başçısının yanındayam, yarım saata əlaqə saxlayarıq" cavabını versə də, daha sonra Məstanovla əlaqə saxlaya bilmədik. Görünür Məstanovun işi icra başçısı ilə söhbəti yaman uzun çəkib.
Hətta, bu səbəbdən futbolçularının "baykot" etdiyi oyunu izləməyə də getməyib.