"İnter" futbol klubunun prezidenti Georgi Nikolovun futbolinfo.az saytına müsahibəsi
– Topaz Premyer Liqasının son turunda qarşılaşdığınız AZAL-la oyunu yəqin ki, izləmisiz. Fikirlərinizi bilmək istərdik…
– Bəli, oyunu izləmişəm. Komandanın oyunu xoşuma gəldi. Amma mən bunu peşəkar yox, bir azarkeş kimi deyirəm. Bu, yəqin ki, cari mövsümdə ilk matç idi ki, "İnter" özünə oxşayırdı. Qarşıya qoyulan tapşırıqları yerinə yetirə bildilər. Rəqibə oynamağa icazə vermədik. Onların oynamasına mane olmaqla yox, sadəcə özümüz onayırdıq. Fikrimcə, hesab özü hər şeyi deyir.
– Bu mövsüm komanda sabit oyun sərgiləmir. Sizcə, bunun səbəbi nədi?
– (gülür) Bu problemin səbəbini bilsəydim, özüm həll edərdim. İdman elə bir sahədi ki, hər zaman zirvədə ola bilməzsən. Enişlər də olur. Bizim problemin həllini tapana minnətdar olardım. Ola bilsin ki, oyun taktikamızı dəyişməklə bir az avantürist addım atmış olduq. Amma bu, bizim oyun deyildi deyə cəzalandıq. Son bir neçə oyundu ki, komanda özünə gəlir. Qarşıda vaxtımız var. Hər şeyi yaxşıya doğru dəyişmək mümkündü.
– (gülür) Bu problemin səbəbini bilsəydim, özüm həll edərdim. İdman elə bir sahədi ki, hər zaman zirvədə ola bilməzsən. Enişlər də olur. Bizim problemin həllini tapana minnətdar olardım. Ola bilsin ki, oyun taktikamızı dəyişməklə bir az avantürist addım atmış olduq. Amma bu, bizim oyun deyildi deyə cəzalandıq. Son bir neçə oyundu ki, komanda özünə gəlir. Qarşıda vaxtımız var. Hər şeyi yaxşıya doğru dəyişmək mümkündü.
– Gələn tur "Rəvan"la qarşılaşırsız. Bu oyundan nə gözləyirsiz?
– "Rəvan"la oyunun asan olacağını düşünmürəm. Bu klubdan hər zaman sürpriz gözləmək olar. Onlara da qələbə lazımdı. Ona görə biz bu oyuna qeyri-ciddi yanaşa bilmərik. Şəxsən mən belə düşünürəm ki, bizi maraqlı oyun gözləyir.
– Ötən turlarda "İnter"qalıb gəldiyi matçın ardından bu uğurun davamını gətirə bilmirdi. Bu dəfə də eyni aqibətlə üzləşməkdən çəkinmirsiz?
– Yəqin ki, siz "Qəbələ" ilə oyunu deyirsiz. Amma deyim ki, bu oyunda da komandamızı bəyəndim. Futbolda təsadüfi qollar da olur. Bizə də 30 metrlik məsafədən qol vurdular. Amma buna baxmayaraq, "İnter" pis təsir bağışlamadı. Situasiyanı öz lehimizə dəyişməyə cəhd edirdik. Amma alınmadı. "Bakı" ilə 2:2 hesablı heç-heçəyə nail olduğumuz matçdan sonra "İnter" özünə gəlir.
– Baş məşqçinin işindən razısınızmı?
– Əlbəttə. Razı olmasaq, saxlamazdıq. Bilirsiz ki, mən mühafizəkar insanam və düşünürəm ki, Kaxaber Sxadadze "İnter"ə çox şey verib. İndi yumşaq desək, klubun çətin günlərində məşqçi ilə yolları ayırmaq düzgün siyasət olmazdı. O, çox yaxşı motivasiya qabiliyyətinə malikdi. Düzdü, çətin xasiyyəti var. Amma onun "İnter"i bu çempionatda yaxşı yerə aparacağına inanıram.
– Komandanın uğursuzluğunda futbolçuların günahı varmı?
– Əlbəttə ki, var. Meydanda hər şeyi məşqçi həll etmir. Məşqçi tapşırıqlar verir, icra edən isə futbolçulardı. Əgər bunu bacarmırlarsa, günah onlardadı. Bilirsiz ki, mövsümün əvvəlində komandanı 12-yə yaxın futbolçu tərk etdi. Yeni gələnləri "İnter"in oyun üslubuna uyğunlaşdırmaq asan deyil. Açığı desəm, belə bir nəticəni gözləyidim.
– Bir çoxları "İnter"in yay transfer dönəmindəki siyasətini bəyənmirlər…
– Ola bilsin ki, mütəxəssislər haqlıdılar. Hansısa futbolçunu tam yoxlaya bilməmişik və ya pis yoxlamışıq. Amma hər biri ayrılıqda yaxşı futbolçulardı. Hələ uyğunlaşmayıblar.
– Çempionatdakı hakimliyin səviyyəsindən razısızmı?
– Çempipnatın səviyyəsı necədisə, hakimlik də elədi. Onlara iradım yoxdu.
– Amma Sxadadze tez-tez hakimlərin işindən narazı olduğunu bildirir…
– Sxadadze haqlıdı. Peşəkar cəhətdən o, hakimlərin səhvini məndən daha yaxşı bilir. Mən azarkeş kimi tribunadan izləyirəm. Əlbəttə, hakmlərin bizim lehimizə və ya əlehimizə qərar verdiyi vaxtlar olur. Onları günahlandırmq istəməzdim.
– Əvvəlki sistemdən narazı idiniz. İndi 4 dövrə və 10 komanda olan sistemi bəyənirsizmi?
– Bəli, mən əvvəllki sistemin düşmənlərindən idim. Yeni sistem isə qat-qat yaxşıdı. Amma mən 12 komanda edərdim. Daha çox oyun, daha çox maraq olardı. Yəqin ki, bir çox futbolçular mənimlə razı olmayacaqlar. Çünki o zaman daha gərgin mübarizə olacaqdı. Almaniya, İngiltərədə də gəzgin mübarizə gedir. Amma heç kim gileylənmir. Belə də keçinmək mümkündü.
– Çempionluğa əsas favorit kimi hansı komandaları qeyd edə bilərsiz?
– (gülür) Bilmirəm necə deyim. Realist olmaq lazımdı. Biz rəqiblərimizdən çox geridəyik.
– (gülür) Bilmirəm necə deyim. Realist olmaq lazımdı. Biz rəqiblərimizdən çox geridəyik.
– Bəs maraqlıdı, onda bu mövsüm “İnter”dən konkret olaraq nə gözləyiriz?
– Avropa Liqasına vəsiqə qazanmaq istəyirik. Bir neçə ildi ki, orada istədiyimiz nəticəni əldə edə bilmirik. Bu uğursuz sindroma son qoymaq pis olmazdı.
– Qış transfer dönəmində dəyişikliklər olacaqmı?
– Bu barədə baş məşqçı mənə atıq müraciət edib. Hücum xəttinə futbolçu almalıyıq.
– Çox güman ki, komandanı tərk edənlər də olacaq…
– Var. Amma indidən adlarını açıqlayıb onları ruhdan salmaq istəməzdim. Müqaviləsi bitməkdə olan futbolçularımız var. Bunları məşqçilər heyəti seçəcək. Amma belə köklü dəyişikliklər gözlənilmir.
– Məşqçi dəyişikliyi barədə düşünmürsüz?
– (gülür) Niyə Sxadazeni gözünüz götürmür? O, yaxşı futbol mütəxxəsisi, yaxşı insandı. Klubun idarə heyəti mən də daxil olmaqla onu dəyişmək fikrində deyil.
KƏMALƏ İSMAYILOVA