Son 3 mövsümdə olduğu kimi, yenə də Azərbaycan çempionu mövsüm başa çatmamış müəyyənləşdi. Futbolinfo.az xəbər verir ki, ardıcıl 3 dəfə “Neftçi” vaxtından əvvəl çempionluğun sevincini yaşamışdısa, Topaz Premyer Liqasının 2013/14 mövsümündə “Qarabağ” qızıl medallara sahib çıxıb.
Ağdam təmsilçisi 34-cü turda “İnter”i məğlub edib və bunun sayəsində son iki turun nəticələrindən asılı olmayaraq qızıl medallara yiyələnib.
Bu uğur “Qarabağ”ın Azərbaycan çempionatlarında 2-ci qələbəsidi. Ağdamlılar ilk dəfə 1993-cü ildə – 21 il əvvəl bunu bacarmışdı. Bununla da komanda qızıl medalların sayında eyni qədər uğuru olan “Şəmkir”, “İnter” və “Bakı”ya çatıb. Bu komandalardan başqa, “Neftçi” 8, “Kəpəz” 3,“Turan” və “Xəzər Lənkəran” hərəyə 1 dəfə çempion olub. Əyalət təmsilçisi qızıl medallara sahib çıxmaqla son 6 mövsümdə çempion olan paytaxt təmsilçilərinin seriyasına da son qoyub.
Futbolçu kimi 4 dəfə Azərbaycan çempionu olan Qurban Qurbanov baş məşqçi postunda ilk dəfə bu uğura imza atıb. O, komanadsını ölkənin ən güclüsü edən 10-cu çalışdırıcı olub. Onlardan yalnız ikisi – Qurbanov və Arif Əsdov həm oyunçu, həm baş məşqçi kimi bu uğura sevinib.
Qeyd edək ki, cari mövsümdə 22-ci çempionat keçirilsə də, bunların 21-də qalib müəyyənləşib, biri isə yarımçıq dayandırılıb.
mövsüm |
çempion |
Baş məşqçi |
1992 |
“Neftçi” |
Əhməd Ələsgərov |
1993 |
“Qarabağ” |
Ağasəlim Mircavadov |
1993/94 |
“Turan” |
Kazbek Tuayev |
1994/95 |
“Kəpəz” |
Mehman Allahverdiyev |
1995/96 |
“Neftçi” |
Kazbek Tuayev |
1996/97 |
“Neftçi” |
Kazbek Tuayev |
1997/98 |
“Kəpəz” |
Mehman Allahverdiyev |
1998/99 |
“Kəpəz” |
Mehman Allahverdiyev |
1999/2000 |
“Şəmkir” |
Ağasəlim Mircavadov |
2000/01 |
“Şəmkir” |
Ağasəlim Mircavadov |
2001/02 |
yarımçıq dayandırılıb |
|
2003/04 |
“Neftçi” |
Kazbek Tuayev |
2004/05 |
“Neftçi” |
Ağasəlim Mircavadov |
2005/06 |
“Bakı” |
Böyükağa Hacıyev |
2006/07 |
“Xəzər Lənkəran” |
Ağasəlim Mircavadov |
2007/08 |
“İnter” |
Valentin Xodukin |
2008/09 |
“Bakı” |
Qyoko Haciyevski |
2009/10 |
“İnter” |
Kaxaber Sxadadze |
2010/11 |
“Neftçi” |
Arif Əsədov |
2011/12 |
“Neftçi” |
Böyükağa Hacıyev |
2012/13 |
“Neftçi” |
Böyükağa Hacıyev |
2013/14 |
“Qarabağ” |
Qurban Qurbanov |