Adı son zamanlar tez-tez "Real"la hallanan "Liverpul"un ulduz futbolçusu Luis Suaresin meneceri Alexandro Balbi uruqvaylı forvardın gələcək karyerası ilə bağlı maraqlı açıqlama verib. Futbolinfo.az xəbər verir ki, Madrid klubunun istəyi barəsində danışan Balbi La Liqa nəhənginə açıq mesaj göndərib:
"Bir mövsüm öncə Suares "Liverpul"dan ayrılmaq istəyirdi. Ancaq indi belə bir ehtimalın olması çətindi. Suares artıq burada özünə yer edib və klub ona ciddi pullar təklif edə biləcək vəziyyətdədi. Ancaq "Real"dan yüksək məbləğdə təklif gələrsə, "yox" deməyimiz çox çətin olar. Çünki Suaresin hər zaman İspaniyada futbol oynamaq xəyalı var".