"Fənərbaxça"nın gənc futbolçusu Salih Uçan "Roma"ya transfer olunub. Futbolinfo.az xəbər verir ki, bir müddətdi italyanların gündəmində olan gənc yarımmüdafiəçi axır ki, İtaliyaya yola düşüb.
Hava limanında jurnalistlərə açıqlama verən Salih belə deyib: "Klublar arasında razılıq əldə olunub. Mən də tibbi müayinədən keçmək üçün İtaliyaya gedirəm. Müqaviləni imzalayıb geri qayıdacağam. İki il müddətinə orada oynayacağam. İnşallah özümü yaxşı tərəfdən göstərib yoluma davam edərəm".
"Roma"da rəsmi "Twitter" hesabından xəbəri təsdiq edib. Salihin müqaviləsinin detalları isə imza mərasimindən sonra açıqlanacaq.