Bakı “İnter”inin futbolçusu Matiya Spiçiç sabiq komanda yoldaşı Vaqif Cavadovla bağlı açıqlama verib. Futbolinfo.az saytına danışan xorvatiyalı, təcrübəli forvardın komandaya çox kömək etdiyini deyib:
“Bu, danılmaz faktdı ki, Cavadov bizə çox kömək etdi və komandanın ən məhsuldar futbolçusu idi. Ona yeni klubunda uğurlar arzulayıram”.
O, Cavadovun gedişinin “İnter”ə elə də təsir etməyəcəyini deyib: “İnanıram ki, yeni gələn futbolçular da komandaya çox faydalı olacaqlar və gedənlərin yerlərini doldurmaqda bizə kömək edəcəklər”.
Qeyd edək ki, Vaqif Cavadov son mövsüm başa çatdıqdan sonra “İnter”dən ayrlıb. O, Türkiyə PTT 1-ci Liqasında mübarizə aparan “Qaziantep BB” ilə 1+1 illik müqavilə bağlayıb.