Daha öncə “Qalatasaray”ın boş qalan baş məşqçi postu üçün İtaliya millisinin sabiq baş məşqçisi Çezare Prandelli ilə anlaşdığı barədə xəbər vermişdik. Futbolinfo.az xəbər verir ki, bu dəqiqələrdə “sarı-qırmızılar”ın rəsmi saytı italyan mütəxəssislə rəsmən razılığa gəldiyini açıqlayıb.
Onun bu axşam İstanbula gələcəyi, sabah isə klubun təlim-məşq bazasını gəzdikdən sonra rəsmi müqaviləyə imza atacağı bildirilib.
Onun sözləşməsi iki illik olacaq. İmza mərasimi Bakı vaxtı ilə saat 16:00-da keçiriləcək.