Aleksis Sançesdən sonra "Barselona" daha bir hücumçusunu göndərməyə hazırlaşır. Futbolinfo.az xəbər verir ki, söhbət Boyan Krkiçdən gedir.
O, növbəti mövsümdən etibarən İspaniya La Liqasında mübarizə aparacaq "Deportivo" klubunda oynaya bilər.
İspaniya mətbuatına inansaq, artıq transfer yekunlaşmaq üzrədir. Son mövsümü "Ayaks"da icarə əsasında oynamış ispan forvardla "Stok Siti", "Torino" və "Malaqa" da maraqlanırdı.
Qeyd edək ki, dünən də İsak Kuenka “Barselona”dan “Deportivo”ya keçmişdi.