Madrid "Real"ının yeni transferi Xames Rodriqes sabiq komanda yoldaşı Radamel Falkaonun Madrid klubuna keçmə ehtimalına münasibət bildirib. Futbolinfo.az xəbər verir ki, o bunun klub üçün əla addım olacağını deyib:
"Falkao "Real"ın oynaya biləcəyinə şübhə etmirəm. Amma bu barədə qərarı mən vermirəm. Hər şey prezidentdən asılıdı. Keçid baş tuta bilər, çünki Falkao komandaya uyğunlaşa bilən futbolçulardandı. O, "Atletiko"ya keçməmişdən öncə birlikdə 4 il oynamışıq. "Real"ın Falkaonun qələbə əzminə ehtiyacı var. Ümid edirəm ki, bizə qoşulacaq".