İspaniyanın "Real" (Madrid) klubunun hücumçusu Kriştianu Ronaldo yaşıl meydanlardakı 1 nömrəli rəqibi Lionel Messi haqqında danışıb. Futbolinfo.az xəbər verir ki, o, “Barselona”nın forvardı ilə arasında düşmənçilik olmadığını bildirib:
"Messi ilə heç bir düşmənçiliyim yoxdu. Bu rəqabət mətbuat tərəfindən yaradılır. Ona qarşı meydana çıxdıqda normal, peşəkar münasibətimiz olur".
Portuqaliyalı futbolçu "kim ən yaxşıdı?" sualını isə belə cavablandırıb: "Hər kəsi sevə bilməzsən. Bu, normaldı. Bütün fikirlərə hörmətlə yanaşıram. Həyatım başqalarının mənim haqda nə düşündüklərindən asılı deyil. Kim ən yaxşıdı? Hər birimiz öz işimizi görür, klub və yığmamız üçün əlimizdən gələni edirik. Hər ikimiz ən yaxşı olmaq istəyirik. Öz peşəmdə ən yaxşı olduğumu düşünürəm və bunun üçün çox çalışıram. Bu, belə olmasa da, mən hər zaman öz fikrimdə qalacam".