Bir neçə dəqiqədən sonra Avropa Liqasının pley-off mərhələsinin cavab oyununda "Neftçi" – "Partizan" matçı start götürəcək. Futbolinfo.az xəbər verir ki, qarşılaşmadan öncə mərkəzi arenada xoşagəlməz hadisə yaşanıb.
Belə ki, oyunu izləməyə gələnlər arasında "Xəzər Lənkəran" fanatı da olub. Onun Lənkəran təmsilçinin formasında gəlməsi bakılı azarkeşlərin xoşuna gəlməyib. "Ağ-qaralı" azarkeşlər dərhal "Xəzər Lənkəran" fanatına sərt reaksiya verərək, ondan formasını soyunmasını tələb ediblər. Lənkəranlı azarkeş bunu qəbul etməyincə fanatlar arasında münaqişə yaşanıb. Nəticədə tək qalmış "Xəzər Lənkəran"lı azarkeş stadiondan uzaqlaşdırılıb.