“Neftçi”nin prezidenti Sadıq Sadıqov “Qarabağ” klubunu Avropa Liqasının qrup mərhələsinə vəsiqə qazanması münasibətilə təbrik edib. Futbolinfo.az “Qarabağ” klubunun prezidenti Abdulbari Gözələ ünvanlanmış təbrik məktubunda deyilir:
“Neftçi” kollektivi adından UEFA Avropa Liqasının qrup mərhələsinə vəsiqə qazanaraq tarixi uğura imza atmağınız münasibətilə sizi və rəhbərlik etdiyiniz “Qarabağ”ın məşqçilər heyəti, futbolçular və bütün əməkdaşlarını təbrik edirik. Doğma "Qarabağ"ımızın Avropanın böyük futbol ailəsi – UEFA Avropa Liqasının qrup mərhələsində olmağı tək idman yox, eyni zamanda xalqımızın uğuru baxımından böyük nailiyyətdi. Bir daha sizi təbrik edir və Avroliqanın qrup oyunlarında uğurlar arzulayıram".