"Qarabağ"ın hücumçusu Vüqar Nadirov Avropa Liqasının qrup mərhələsindəki rəqibləri ilə bağlı fikirlərini açıqlayıb. Futbolinfo.az saytına açıqlamasında o, bunları söyləyib:
"Doğrudan da sevincli haldı. Bu, bizim işimizdi, sənətimizdi. Şükürlər olsun ki, Allah da bu şansı bizim qarşımıza çıxardı. Yenə tarix yazdıq. Ancaq bununla iş bitmir. Bizim oyunlarımız hələ qarşıdadı. Avroliqa oyunlarına hələ çox var. Düzdü, rəqiblərimiz İtaliya, Fransa və Ukrayna kimi ölkələrin təmsilçiləridi. Rəqiblər haqda indidən danışmaq hələ tezdi. Matçlara az vaxt qalmış rəqiblərimizi yaxından tanıyacağıq. Bütün rəqiblərimiz güclüdü. Qruplarda zəif komanda mübarizə aparmır. Qarşıda çempionat və milli komandalarının oyunu var. Məncə, rəqiblərimiz bizə yuxarıdan aşağı baxmaz. Biz zəif rəqib deyilik".