"Bavariya"nın yeni transferi Xabi Alonso "Real"dan ayrılması və alman klubuna keçidinə münasibət bildirib. Futbolinfo.az xəbər verir ki, o, “Real”dan ayrılmağın kədərli olduğunu deyib: “Möhtəşəm günlər bitdi. 5 gözəl il keçdi. İndi mənim üçün yeni dövr başlayır. Bu, mənim üçün çətin qərarıydı. Bu barədə çox düşünmüşəm.
Həmişə Madrid ailəsinin parçası olaraq qalacam. Kroosun "Real"a keçməsinə görə burdan ayrılmıram. Qərar kortəbii şəkildə verilməyib. Hər şeyi götür-qoy etmişəm və düşünmüşəm. "Bavariya" təxminən 2 həftə əvvəl mənlə maraqlanmağa başlamışdı. "Real"ın Çempionlar Liqasını qazanmasının ardından yeni bir başlanğıca ehtiyacım olduğuna qərar verdim.
"Real" ayrılmağımı istəmirdi. Bu, öz seçimimdi. Klub mənimlə razılaşmadı, ancaq başa düşdü. Çempionlar Liqasındakı qələbənin ardından dağlar bizim çiynimizə qədər enmişdi. "Bavariya"ya keçmək mənim üçün ən yaxşı variantdı. "Bavariya" bütün titullar uğrunda mübarizə aparacaq. Bu komanda üçün oynamağımı səbrsizliklə gözləyirəm".