Madrid "Atletiko"su "Torino"nun hücumçusu Alessio Çerçini heyətinə qatıb. Futbolinfo.az xəbər verir ki, İspaniya təmsilçisi rəsmi "Twitter" hesabı vasitəsilə bu barədə məlumat yayıb. İtalyan forvardla 3 illik müqavilə imzalanacaq.
La Liqa çempionunun idman direktoru Xose Luis Peres Kaminero Çerçinin transferi barədə belə danışıb: "Torino" ilə anlaşdığımız üçün sevinirik. Hücum xəttimizi gücləndirdik. Artıq mövsümə tam olaraq hazırıq. Onun komandanın əsas oyunçularından biri olacağından əminəm".