"Mançester Yunayted"in əsas heyətində özünə yer tapa bilməyən Xavyer Ernandes karyerasını Madrid "Real"ında davam etdirəcək. Futbolinfo.az xəbər verir ki, Çiçarito ləqəbli meksikalı forvard artıq Madriddədi və “qalaktikos”un həkimi Karlos Diesin rəhbərliyi altında "Sanitas" klinikasında tibbi müayinədən keçib.
Məlumata görə, Ernandes mövsümün sonuna kimi icarə əsasında "Real"da oynayacaq. Onun 14 nömrəli forma ilə çıxış edəcəyi də xəbərdə qeyd olunur.
Xavyer əsasən Alvaro Moratanın yerinə ehtiyat hücumçu kimi alınıb.