“Monako”nun forvardı Radamel Falkaonun “Mançester Yunayted"ə keçidi barədə dünən məlumat vermişdik. Futbolinfo.az xəbər verir ki, gecə saatlarında isə kolumbiyalının transferi tam rəsmiləşib. Hər iki klub bu haqda xəbəri təsdiq edib.
İngilislər kolumbiyalını satın almaq hüququyla birlikdə icarəyə götürüb. "Mankunyanlar"ın 28 yaşlı futbolçunun icarəsi üçün "Monako"ya 20 milyon funt sterlinq ödədiyi təxmin edilir. 35 milyon funt sterlinq müqabilində isə "qırmızı şeytanlar" onu satın ala bilər. Falkao yeni iş yerində həftəlik 265 min funt sterlinq məvacib alacaq.
Falkao "Mançester Yunayted"də 9 nömrəli forma altında çıxış edəcək.