Xəbər verdiyimiz kimi, "İnter" Topaz Premyer Liqasında yaranan fasilədən istifadə edərək yoxlama matçı keçirəcək. "Bankirlər"in sınaq qarşılaşmasında rəqibi "Sumqayıt" olacaq.
Az öncə qeyd etdiyimiz kimi, qarşılaşmanın baş tutması tərəflər arasında razılaşdırılsa da, matçın keçiriləcəyi stadion dəqiqləşməmişdi. Futbolinfo.az-a daxil olan məlumata görə, artıq bu məsələ öz həllini tapıb. Komandalar "Bakı"nın təlim-məşq bazasında üz-üzə gələcək. Qarşılaşma sentyabrın 6-da saat 18:00-da başlayacaq.