“Barselona”nın futbolçusu Xavi Hernandes Çempionlar Liqasında tarix yazıb. Futbolinfo.az xəbər verir ki, qrup mərhələsinin 2-ci turundakı PSJ matçında meydana çıxan 34 yaşlı yarımmüdafiəçi bu turnirdə ən çox çıxış edən oyunçu rekordunu qırıb.
Belə ki, Fransa təmsilçisinə 3:2 hesabı ilə məğlub olduqları matçın 69-cu dəqiqəsində İvan Rakitiçin yerinə meydana daxil olan ispaniyalı ÇL 143-cü dəfə forma geyinib.
Xavi bununla adı çəkilən turnirdə 142 dəfə forma geyən "Real"ın sabiq futbolçusu Raul Qonzalesi keçib. Madrid klubunun digər üzvü, qapıçı İker Kasilyas isə 141 ÇL i.tirakçısı olub.