İngiltərə “Çelsi"sinin qolkiperi Petr Çexə daha bir Avropa nəhəngi “elçi” düşüb. Futbolinfo.az xəbər verir ki, söhbət İtaliya təmsilçisi "Milan"dan gedir.
Bu haqda İngiltərənin "Daily Mirror" nəşri xəbər yayıb. Mənbədə qeyd olunur ki, keçid qışda reallaşa bilər. Transfer 7 milyon funt-sterlinq dəyərində qiymətləndirilir.
Lakin hazırda “Milan”ın qapısında uğurlu çıxış göstərən Dieqo Lopes var. Buna görə Çex ehtiyatda oturacağı bir kluba keçməkdən imtina edə bilər.
Qeyd edək ki, daha öncə 32 yaşlı qapıçının "Arsenal"a keçəcəyi barədə iddialar ortaya atılmışdı. Ancaq "topçular"ın rəhbərliyi bu fikirdən imtina etmişdi. Cari mövsümdə cəmi 5 matçda meydana çıxan Çex isə qapısında 3 qol görüb.