Ötən tur “Qarabağ”a 2:3 hesabı ilə məğlub olan “Simurq” dekabrın 3-də Azərbaycan Kubokunun 1/8 final mərhələsində birinci divizion təmsilçisi “Rəvan”la qarşılaşacaq. Futbolinfo.az xəbər verir ki, qarşılaşma Zaqatalada baş tutacaq.
Bu qarşılaşmada ötən mövsüm “Araz Naxçıvan”la kubok matçında cəzalanan “Simurq”un müdafiəçisi Tural Axundov iştirak etməyəcək. O, həmçinin Premyer Liqada da sarı vərəqə limtini doldurduğu görə, 15-ci turda baş tutacaq.
“Sumqayıt”la qarşılaşmada oynamayacaq. Adam Banaş və Murat Səttarlı artıq zədə problemini arxada qoyaraq, komanda ilə birgə məşqlərə başlayıb. Premyer Liqanın 11-ci turunda diz nahiyəsindən zədələnən Vüqar Mustafayevin durumu isə ciddidi. Həkimlərin rəyinə görə, o, komandasına yalnız 3-cü dövrədə kömək edə biləcək. Futbolçunun durumu ciddi olduğu üçün ikinci dövrədə oynamasına qadağa qoyulub.