2014-cü ilin ən yaxşı qolu mükafatına namizədlərin yekun siyahısı bəlli olub. Futbolinfo.az xəbər verir ki, ənənəvi olaraq sona 3 namizəd qalıb.
Ferens Puşkaş mükafatına namizədlər bunlardı: Robin van Persi (Hollandiya millisi, “Mançester Yunayted”), Xames Rodriqes (Kolumbiya millisi, “Real”), Stefani Roş (İrlandiya millisinin qadın futbolçusu).
Qeyd edək ki, 2009-cu ildən təsis olunan mükafatı Kriştianu Ronaldo (2009), Hamit Altıntop (2010), Neymar (2011), Miroslav Stok (2012) və Zlatan İbrahimoviç (2013) qazanıblar. Qalibin adı 2015-ci il, yanvarın 12-də İsveçrənin Sürix şəhərində keçiriləcək tədbirdə açıqlanacaq.