Topaz Premyer Liqasının 16-cı turu çərçivəsində baş tutan "Simurq" – "İnter" matçı 1:1 hesabı ilə başa çatıb. Matçdan sonra saytımıza açıqlama verən Bakı təmsilçisinin gürcüstanlı hücumçusu Baçana Sxadadze oyunla bağlı fikirlərini açıqlayıb:
"Mübarizəli oyun oldu. İlk hissədə istədiyimiz oyun sərgiləyə bilmədik. Qapımızdan qolu elə bir vaxtda buraxdıq ki, geri dönüş etmək çətin idi. Fikrimcə, iki fərqli hissə izlədik. İkinci hissədə qolu erkən vursaydıq, qələbə də qazana bilərdik. Baş məşqçi bizə öz taktikalarını verir. Çalışırıq ki, onun texniki zonada olmamasını hiss etdirməyək. Təbii ki, öz yerində otursaydı, daha yaxşı olardı".