Türkiyə PTT 1-ci Liqasında 13-cü turun oyunları keçirilib. Futbolinfo.az xəbər verir ki, Azərbaycan millisinin sabiq üzvü Branimir Subaşiçin çıxış etdiyi “Manisaspor” klubu növbəti matçına çıxıb.
Manisalılar səfərdə “Adana Dəmirspor”la qarşılaşıb. Görüş 1:1 hesabı ilə başa çatıb. Subaşiç oyuna start heyətdə başlayıb. 84 dəqiqə meydanda qalan futbolçumuz sonra əvəzlənib.
Qeyd edək ki, “Manisaspor” hazırda 11 xalla turnir cədvəlinin 17-ci pilləsində qərarlaşıb.