İngiltərənin "Mançester Siti" klubunun kapitanı Vensan Kompani yenidən zədələnib. Bu haqda "BBC Sport"a xəbər yayıb. Məlumata görə, Premyer Liqanın son turunda "Lester"ə qarşı matçın 76-cı dəqiqəsində sağ ayağında problemlər yaşayan belçikalı müdafiəçi Martin Demiçelislə əvəzlənib. Onun vəziyyətinə müayinələr bitdikdən sonra aydınlıq gələcək.
Xatırladaq ki, 28 yaşlı Kompani analoji səbəbdən Premyer Liqanın 3 görüşünü buraxmalı olmuşdu.