Türkiyə PTT 1-ci Liqasında 13-cü turun oyunları keçirilib. Futbolinfo.az xbər verir ki, Azərbaycan üzvləri Vaqif Cavadov, Rəhman Hacıyev və Ufuq Budakın çıxış etdiyi “Qaziantep BB” klubu növbəti matçına çıxıb.
Həmyerlilərmizin komandası səfərdə “Bucaspor”la qarşılaşıb. Görüş 1:1 hesabı ilə başa çatıb. Vaqif oyuna 61-ci dəqiqədə ehtiyat oyunçular skamyasından daxil olsa da, Rəhmanın adı matçın iştirak ərizəsində də olmayıb. Start heyətdə meydana çıxan Budak isə sona qədər mübarizə aparıb və 56-cı dəqiqədə sarı vərəqə alaraq, fərqlənib.
Qeyd edək ki, “Qaziantep BB” hazırda 15 xalla turnir cədvəlinin 11-ci pilləsində qərarlaşıb.