Bu gün Topaz Premyer Liqasında 16-cı turun görüşləri baş tutub. Futbolinfo.az xəbər verir ki, "Neftçi" evdə "Sumqayıt"ı 3:2 hesabı ilə məğlub edib.
Paytaxt təmsilçisinin baş məşqçisi Arif Əsədov oyundan sonra keçirilən mətbuat konfransında bu sözləri deyib:
“4 turdu ki, qələbə qazana bilmirdik. Meydançaya qələbə üçün çıxmışdıq. İlk dəqiqələrdə şanslarımız olsa da, istifadə edə bilmədik. Əvəzində qapımızda qol gördük. “Sumqayıt” yaxşı təsir bağışladı. Buna baxmayaraq, toparlanıb, qələbəni əldə etdik. Biz ilk dəqiqələrdən hücuma atıldıq. Xarakter nümayiş etdirib, qələbə qazandıq”.