"Mançester Yunayted" klubunda daha 2 zədəli futbolçu məşqlərə başlayıb. Futbolinfo.az xəbər verir ki, bu gündən etibarən Ander Errera və Adnan Yanuzay ümumi qrupla çalışıb. "Boxing day" qrafikini bir daha tənqid edən Van Qaal hər iki futbolçunun növbəti turda "Stok Siti"yə qarşı oynamağa hazır olmadığını bildirib:
"İki həftə öncə futbolçuların bərpa olunacağını söyləmişdik. Amma onlar hələ ki meydana çıxmaq üçün optimal formada deyil. Bu period üçün əsas problemlərdən biri zədələrlə bağlıdı".