UEFA-nın İntizam Komitəsi PSJ-nin baş məşqçisi Loran Blanı cəzalandırıb. Futbolinfo.az xəbər verir ki, çalışdırıcı cari mövsüm Çempionlar Liqasındakı bəzi matçların başlamasını yubandırmaqda ittiham olunub.
Daha dəqiq desək, "Benfika" ( 2dəfə) və "Olimpiakos"la qarşılaşmalarda fransalı hakimin start fitini müəyyən qədər gec səsləndirməsinə səbəb olub. Blanın cəzası 1 oyunluqdu. Yəni o, 1/8 finalın ilk matçında "Bayer"lə səfər görüşünü tribunadan izləməli olacaq.