İspaniya La Liqasında 26-cı turun oyunları baş tutub. Futbolinfo.az xəbər verir ki, formasında “Land of Fire Azerbaijan” (Odlar Yurdu Azərbaycan) ifadəsini reklam edən Madrid “Atletiko”su doğma meydanda Madrid “Real”ı ilə qarşılaşıb.
Hazırda İspaniyada səfərdə olan “Bakı” Futbol Klubunun prezidenti Hafiz Məmmədovun canlı izlədiyi oyun 2:2 hesabı ilə yekunlaşıb. Onu da əlavə edək ki, İspaniyada səfərdə olan Məmmədov səfər zamanı bir sıra vacib görüşlər keçirib. Hafiz bəy "Atletiko" (Madrid) klubunun rəhbərliyi ilə görüşdə Xocalı soyqırımı ilə bağlı ətraflı məlumat verib. İspan klubunun rəsmiləri və fəxri qonaqlardan olan tanınmış futbolçu Radomel Falkao Azərbaycan xalqına başsağlığı verib. Hafiz Məmmədov həmçinin İspaniyanın Madrid regionunun rəhbəri İqnasiyo Qonzales və Azərbaycanın İspaniyadakı səfiri Altay Əfəndiyevlə də görüşüb.