“Barselona”nın əsas qapıçısı Viktor Valdes əməliyyat edilib. Futbolinfo.az xəbər verir ki, Almaniyada baş tutan prosesin uğurlu keçdiyi bildirilir. Əməliyyatdan sonra qolkiperin meydana çıxa bilməyəcəyi vaxt dəqiq və rəsmi şəkildə açıqlanıb: 7 ay. Beləliklə Valdesin bir də oktyabrda əlcək geyə biləcəyi dəqiqləşib.
Yeri gəlmişkən, “Barselona”nın gənclər komandasının baş məşqçisi Eusebio Sakristan komandasının qapıçısı Xordi Masipin Valdesi əvəz etməyə hazır olduğunu açıqlayıb. O, yetirməsinin əsas heyətə çağırılması üçün baş məşqçi Xerardo Martinoya müraciət edəcəyini deyib.
Masip cari mövsüm Sequndada çıxdığı 25 oyunun 7-də qapısını toxunulmaz saxlayıb.