"Monako"nun forvardı Radamel Falkao keçmiş klubu "Atletiko" (Madrid) haqqında danışıb. Futbolinfo.az xəbər verir ki, hücumçu Madrid klubunun "Real" və "Barselona" ilə çempionluq uğrunda mübarizə aparmasının onun üçün təəccüblü olmadığını deyib:
"Düzdü, onların bu qədər güclü və stabil çıxışı edəcəyini gözləmirdim. Ancaq "Atletiko"nun nələrə qadir olduğunu bilirəm. Əminəm ki, daha da güclənəcəklər. "Real" və "Barsa" kimi yüksək səviyyəli komandalarla mübarizə aparmaq məcburiyyətindədilər. Büdcəsi yüksək olan klublara qarşı oynamaq çox çətindi".
Falkao ötən il 60 milyon avro qarşılığında “Atletiko”dan “Monako”ya keçib.