"Bavariya"nın futbolçusu Aryen Robben dünən Çempionlar Liqasında məğlub olduqları "Real" (Madrid) klubu ilə görüşdən sonra maraqlı fikirlər səsləndirib. Futbolinfo.az xəbər verir ki, yarımmüdafiəçi “Real”ın çempion olacağını iddia edib:
 
"Çelsi" – "Atletiko" matçının nəticəsi məni maraqlandırmır. Çünki onların oyununu izləməyə hövsələm çatmır. Madriddə baş tutan ilk oyunu sona kimi izləyə bilmədim. Meydanda futbol adına heç nə yox idi. Mourinyo və Simeoneyə hörmətim var. Ancaq Çempionlar Liqasını futbol oynayan bir komandanın qazanmasını istəyirəm. Bu mənəda "Real"ın çempion olacağını düşünürəm. Onlara uğurlar arzulayıram".
 
Qeyd edək ki, öz meydanında "Real"a 0:4 hesabı ilə uduzan "Bavariya" turnirdə mübarizəni dayandırıb.
Shares:
Facebook
Twitter
Telegram
WhatsApp