Bu gün Topaz Premyer Liqasında 23-cü turun oyunları keçirilir. Futbolinfo.az xəbər verir ki, "Simurq" doğma meydanda "Sumqayıt"la 1:1 bərabərə qalıb.
Zaqatala şəhər stadionundakı oyundan sonra keçirilən mətbuat konfransında ev sahibi komandanın baş məşqçisi George Çixradze heç-heçəni belə şərh edib:
“Sürətli oyun oldu. Komandalar mübarizə apardılar. Bizim problem o idi ki, şanslardan istifadə edə bilmədik. Düzdü, qol buraxdıqdan sonra hesabı bərabərləşdirə bildik. Sadəcə, bərabərlik qolundan sonra nə qədər çalışsaq da, qələbə qolunu vura bilmədik”.