Ötən gün 17 yaşadək futbolçulardan ibarət Azərbaycan yığması yoxlama oyunu çərçivəsində rusiyalı həmyaşıdlarına 2:4 hesabı ilə uduzub. Futbolinfo.az xəbər verir ki,
"Bakcell Arena" baş tutan oyundan sonra rəqib komandanın baş məşqçisi Mixail Qalaktionov qalibiyyəti belə şərh edib:
“Oyundan razı qaldım. Elit-raund öncəsi yaxşı hazırlıq oldu. Bu oyunlar təcrübə qazanmaq baxımından bizim üçün uğurlu alındı. Rəqibin səviyyəsi də bizi qane etdi. Fikrimcə, Azərbaycan yığması elit-raundda rəqibləri üçün asan keçiləcək komanda olmayacaq. Yığmanızın mərhələ adlamaq şansı var”.