“Liverpul”un baş məşqçisi Brendan Rocers komandanın əsas hücumçusu sayılan Mario Balotellinin oyunundan razı deyil. Futbolinfo.az xəbər verir ki, O, italyalı forvardın oyununu bəyənmədiyini açıq şəkildə dilə gətirib:
"Mario "Beşiktaş"la görüşdə penaltini dəqiq vurmaqla qazanılan qələbəyə öz töhfəsini verdi. Ancaq komanda hər oyun mexanizm kimi işləməyə davam etməlidi. O isə sadəcə vurur və dayanır.
Meydana start heyətində çıxmasından və yaxud da əvəzedicilər skamyasında oturmasından asılı olmadan Balotelli komandanın oyununa müsbət mənada təsirini göstərməlidi. Onun oyunundan razıyam? Xeyr, əlbəttə, xeyr".