Topaz Premyer Liqasında 24-cü turun oyunları keçirilir. Futbolinfo.az xəbər verir ki, "Sumqayıt" doğma arenada "Neftçi"yə 0:1 hesabı ilə uduzub.
"Kapital Bank Arena"da qarşılaşmadan sonra keçirilən mətbuat konfransında ev sahibi komandanın baş məşqçisi Aqil Məmmədov məğlubiyyəti belə şərh edib:
“Neftçi”ni qələbə münasibəti ilə təbrik edirəm. Oyun barədə onu deyə bilərəm ki, öz səhvimizdən uduzduq. Məncə, “Neftçi” bizdən üstün oynamadı. Bərabərsəviyyəli oyun izlədik. Sadəcə, “Neftçi” bir səhvdən yararlanıb, qol vurdu. Orxan Əliyevin formada olmadığını demək düzgün olmaz. Sadəcə, düzgün futbol oynamır”.
(pfl.az)