"Mançester Yunayted"in baş məşqçisi Lui van Qal komandanın hücumçularından razı deyil. Futbolinfo.az xəbər verir ki, hollandiyalı heyətdə stabil çıxış edən forvard olmadığını dilə gətirib:
“Bu həqiqətdi və mən inkar edə bilmərəm. Nə van Persi, nə Falkao, nə də ki, Runi bir mövsüm ərzində 20 qol vura bilər. Onlar sabit çıxış etmirlər. Hazırda "Mançester Yunayted"də belə bir hücumçu yoxdu".
Runi, Falkao və van Persi cari mövsüm Premyer Liqada ümumilikdə 24 qol vurub.