Bu gün Topaz Premyer Liqasında 25-ci turun oyunları keçirilir. Futbolinfo.az xəbər verir ki, "Qarabağ" öz meydanında "Xəzər Lənkəran"nı 1:0 hesabı ilə məğlub edib.
Tofiq Bəhramov adına Respublika stadionundakı qarşılaşmadan sonra baş tutan mətbuat konfransında açıqlama verən ev sahibi komandanın baş məşqçisi Qurban Qurbanov qələbəni belə şərh edib:
"Düşünürəm ki, çempionatda ən vacib 3 xalı qazandıq. “Xəzər Lənkəran” çox istəklidi və sərbəst oynayır. Bütün bunlara baxmayaraq, 3 xal əldə etdik. “Xəzər Lənkəran” isə böyük perspektiv vəd edir. Məncə, bütün komandalar üçün “Xəzər Lənkəran”la oyun çətin keçəcək. Çünki “Xəzər Lənkəran” öz oyununu tapıb”.
(pfl.az)