UEFA Çempionlar Liqasında 1/8 final mərhələsinin cavab oyunlarına start verilib. Futbolinfo.az xəbər verir ki, ilk oyun günündə iki qarşılaşma keçirilib.
İsveçrədəki görüşdə qalibin müəyyələşmədiyi “Bazel” və "Portu" bu dəfə Portuqaliyada üz-üzə gəliblər. Portuqaliyalılar rəqibi 4 cavabsız qolla darmadağın edərək, növbəti mərhələyə adlayıblar.
Turnirin favoritlərindən sayılan "Real" Madriddə "Şalke"ni ilə sınağa çəkib. Qarşılıqlı qol dueli şəklində davam edinən matçın sonunda almanlar 4:3 hesabı ilə qalib gəlsələr də, ilk oyunda 2 cavabsız qola sevinən İspaniya təmsilçisi növbəti mərhələyə adlayıb.
Çempionlar Liqası
1/8 finalın cavab oyunları
10 mart
Portu (Portuqaliya) – Bazel (İsveçrə) – 4:0
(ilk oyun – 1:1)
QOL: Brahimi, 14, Herrera, 47, Kasemiro, 56, Aboubakar, 76
Real (İspaniya) – Şalke (Almaniya) – 3:4
(ilk oyun – 2:0)
QOL: Ronaldo, 25; 45+1, Benzema, 55 – Fuks, 20, Huntelaar, 40; 85, Sane, 57