“Mançester Yunayted”in baş məşqçisi Lui van Qal komandanın hücumçusu Radamel Falkaonu əvəzedici komandaya göndərib. Futbolinfo.az xəbər verir ki, məşhur forvard "Tottenhem”in gənclər komandasına qarşı keçiriləcək oyun üçün heyətə daxil edilib.
Falkao ilə yanaşı, qapıçı Viktor Valdes və müdafiəçi Rafael də gənclər komandasına göndərilib.
Qeyd edək ki, “Monako”dan (Fransa) icarəyə götürülən Falkao cari mövsüm Premyer Liqada 17 matça çıxıb və cəmi dörd qol vura bilib. O, komandasının ötən ayın sonunda "Sanderlend"lə keçirdiyi çempionat oyunundan bu yana meydana çıxmır.