FİFA milli komandaların növbəti reytinq cədvəlini açıqlayıb. Futbolinfo.az xəbər verir ki, bu siyahıda Azərbaycan yığması 8 pillə geriləyərək, 139-cu yerdə qərarlaşıb.
Hazırda komandamızın aktvidində 198 xal var. Martın 28-də AÇ-2016-nın seçmə mərhələsi çərçivəsində millimizlə qarşılaşacaq Malta yığması isə ötən ayla müqayisədə 4 addım irəliləyərək 169 xalla 145-ci sırada qərarlaşıb.
Digər rəqiblərimizdən olan İtaliya 10, Xorvatiya 19, Norveç 70, Bolqarıstan isə 71-ci yerdədi. Cədvəldə ilk 3 yerin sahibləri isə ötən ay olduğu kimi müvafiq olaraq Almaniya, Argentina və Kolumbiya milliləridi. Qardaş Türkiyə millisi də bu dəfəki siyahıda geriləyənlər sırasındadı. Ötən ayla müqayisədə 4 vahid geriləyən türklər 594 xalla 56-cı yerdə qərarlaşıblar.
Qeyd edək ki, milli komandamız siyahıda Mavritaniya, Burundi və Aruba kimi ölkələrdən geri qalır. Bu, 6 il millimizə rəhbərlik etmiş almaniyalı mütəxəssis Berti Foqtsun vaxtında göstərilən uğursuz nəticələrə görədi. Sizi həmin cədvəlin fotosu ilə tanış edirik.