"Xəzər Lənkəran"ın sabiq futbolçusu Elias Ribeiro özünə yeni klub tapıb. Futbolinfo.az xəbər verir ki, cari ilin əvvəllərində Braziliya Paulista liqasında mübarizə aparan "XV de Piracicaba" keçən Elias yeni klubunda debüt edə bilməyib.
Braziliya mətbuatına açıqlama verən yarımmüdafiəçi "Xəzər Lənkəran"dan ayrıldıqdan sonra zədə problemindən əziyyət çəkdiyini bildirib:
"2014-cü ilin yayında "Xəzər Lənkəran"dan ayrıldıqdan sonra demək olar ki, yaşıl meydanlarda olmamışam. Braziliyaya qayıtdıqdan sonra fərdi məşqlər etmişəm. İndi isə zədə problemim var. Düşünürəm ki, yaxın 10 gün ərzində bu məsələ həll olunacaq".
Qeyd edək ki, 2014-cü ilin yanvarında "Xəzər Lənkəran"a keçən futbolçu ilə mövsüm başa çatdıqdan sonra yollar ayrılmışdı.